Кандидатот за градоначалник на СДСМ за Крушево, Ташули Јуца се заложи за вложување во енергетиката каде според него не е вложено ништо. Тој рече дека како градоначалник ќе се обиде во Крушево преку подобрена инфраструктира да привлече странски и домашни туристи и ги повика крушевчани да му дадат поддршка на вечерашниот митинг на опозицијата.
Јуца најави дека сака преку директна и индиректна буџетска подршка да се рестартира на дел од стопанските капацитети во градот.
„Развој на туризмот преку континуирана подршка на постојните туристички и угостителски капацитети, и создавање на можности за отворање на нови, со посебно внимание за развој на културниот, верскиот а посебно и со посебни мерки спортскиот туризам.
Поддршка кон малите и средни претпријатија, занаетчиство и старите занаети.
Земјоделието како една значајна стопанска гранка од егзистенцијална природа за поголем дел на населението во нашата општина, согласно Уставните надлежности на ЕЛС ќе добие посебно внимание и подршка.
Bрзо и ефикасно решение за изнаоѓање на алтернативни извори со квалитетна вода за пиење, од околните места“, рече тој, обрзложувајќи дел од својата програма со која ќе настапи на локалните избори, следната година.