Согласно одлуката за награди и признанија, општина Кочани го објави јавниот повик за доставување предлози за доделување на наградата за значајни остварувања за развојот на општината и награда за животно дело.
– За наградата за значајни остварувања за развојот на општина Кочани можат да конкурираат поединци, групи творци, екипи и установи, здруженија на граѓани. Наградата е во паричен износ и изнесува пет просечни плати исплатени последните три месеци во Република Македонија, изјави Илинка Атанасова, претседател на Одборот за доделување награди и признанија на општина Кочани.
Општината, како што истакна Атанасова, ќе додели и награда за животно дело за постигнати исклучителни резултати во науката, иноваторството, уметноста, стопанството и земјоселството. Наградата е плакета на општина Кочани за животно дело.
Предлозите можат да се доставуваат до 30 јуни годинава, а наградите ќе бидат доделени на свечената седница на Советот на општина Кочани на 13 јули, на Петровден, кога е и празникот на градот Кочани.
