Јанкулоска бара да биде разршена Кацарска за судењето за „мерцедесот“

Од:

До Судскиот совет стигнала претставка за разрешување на судијката од Кривичниот суд во Скопје, Добрила Кацарска поднесена од сопругот на ексминистерката за внатрешни работи, Гордана Јанкулоска, Влатко Илиевски. Информацијата за „А1 он“ ја потврдија од Судскиот совет, но соопштија дека детали ќе може да кажат од следната недела, зашто членот на Советот што го реферирал предметот користел годишен одмор.

dobivaj vesti na viber

„А1 он“ од извори во Советот дозна дека претставката е за наводни повреди предизвикани преку закажување чести судски рочишта во предметот „Тенк“, во услови кога Јанкулоска била во ризична бременост со породилно отсуство.

Повредите, според претставката, биле предизвикани преку закажување судења кога ексминистерката се наоѓала во ризична бременост со отворено породилно отсуство, како и преку одржување судски рочишта во услови кога Јанкулоска била во постпородилна состојба со двомесечно бебе.

Судијката Кацарска за „А1 он“ рече дека е уверена оти сите мајчински права на обвинетата ѝ се исполнети и дека постапката се одвивала со целосно почитување и на Законот за кривичната постапка и на Законот за работните односи. До Судскиот совет судијката составила одговор за претставката на Јанкулоска и рече дека по речиси 33 годишна судиска кариера едвај чека да се појави на сослушување во Судскиот совет за претставката на ексминистерката.

Уставниот суд лани ѝ го отфрли барањето на Јанкулоска за заштита на слободите и правата од Уставот, кои се однесуваат на слична околност, забрана за дискриминација по пол и политичка припадност во остварувањето на правото на мајчинство и правото на породилно отсуство.

Јанкулоска беше осудена на 6 години затвор за набавката на луксузниот „мерцедес“, а скопска Апелација ѝ ја намали казната на 4 години. Таа на први јули треба да се јави на издржување на затворската казна.

Би можело да ве интересира

За Кацарска, пратениците се несериозни: Зарем пет судии треба да дискутираме за уставноста на Преспанскиот договор

Кристијан Ландов

Кацарска со писмо до Џафери бара Собранието побрзо да ги избере новите уставни судии

Катерина Павлова-Николовска

Кацарска – Спано: Потребна поширока и систематска примена на јуриспруденцијата на ЕСЧП во праксата на Уставниот суд

А1он

Работната средба на претседателката на Уставниот суд, Кацарска и министерот Маричиќ

А1он

Ќе се разгледува можноста за снимање на редовните седници на Уставениот суд

Кацарска за „27 април“: Не постои политичар кој може да ми каже каква пресуда да донесам, а осудените не се уставобранители