Катица Јанева откако отишла во СЈО негирала дека е вмешана во аферата „Рекет“. Таа, според дел од обвинителите во Специјалното јавно обвинителство, кажала дека воопшто не е виновна за ништо и дека се наоѓа под голем стрес.
Токму Катица Јанева се очекува по една недела изолација, денеска да се појави пред јавноста.
Таа во текот на денот ќе одржи прес-конференција каде се очекува да каже дали е вмешана во случајот „Рекет“, каде осомничени се Боки 13 и Зоки Кичеец.
Јавноста прашува, а Јанева ќе треба да одговори дали ја злоупотребила службената положба, откако се обзнани дека Боки 13 ја користел својата блискост со обвинителката за да олесни положба на бизнисмен во случајот „Империја”.
Јанева отвори боледување во вторникот, по што отсуствуваше од работа.
Претходно, полицијата и го одзеде еден од двата телефонски уреди кој го даде на вештачење, за да се утврди комуникацијата меѓу неа и осомничените во „Рекет“, но и поради прибирање на други докази кои можат да послужат во постапката.
Денеска Обвинителството соопшти дека е пронајден и вториот телефон на Јанева, за кој нејзиниот син Лазар Јанев велеше дека е изгубен во Белград, а полицијата го пронашла кај лице кое рекло дека го добило како подарок.
Телефонот е пронајден преку IMEI кодот.