На денешното рочиште за случајот „Титаник“ кој се однесува на изборни нерегуларности во еден од разговорите од 20 март 2013 година може да се слушне како ексминистерот Миле Јанакиески наредува директорите на основните училишта Јохан Хајнријх Песталоци и Коле Неделковски под итно да се ангажираат околу собирањето гласови.
– Директорите одма да им кажеш да најдат по 20 луѓе што ќе гласаат за ВМРО и плус да одат од врата на врата, вели Јанакиески во разговорот од 20 март 2013 година.
Во случајот „Титаник“ обвинети се 20 лица за изборни измами, меѓу кои и врвот на ВМРО-ДПМНЕ: Никола Груевски, Мартин Протоѓер, Кирил Божиновски, Миле Јанакиески, Гордана Јанкулоска, Билјана Бришкоска-Бошковски, Леко Ристовски. Првпат на обвинителна клупа ќе седне и Илија Димовски. СЈО бара на обвинетите да им се конфискува имот во вредност од 2,2 милиона евра.
Виктор Јованов
