Поранешниот министер за транспорт и врски, Миле Јанакиески го осудува бегството на Никола Груевски.
– Најостро го осудувам ваквиот чин, бидејќи ќе влијае негативно на судските предмети во целост, а посебно во оние предмети каде сме заедно обвинети, вели Јанакиески за „А1он“.
Тој ги замоли медиумите да информираат објективно и посочи дека стои на располагање.
– Повикувам да престане лицитирањето за идни притвори и притисок врз судот. Ниту сум планирал, ниту планирам да бегам и во моментов сум во Скопје, а утре во 9 и 3 ќе бидам на судското рочиште за предметот „Титаник“, вели Јанакиески за „А1он“.
Тој посочува дека присуствувал на сите рочишта без исклучок, а некогаш и секој работен ден и ги почитувал мерките определени од судот.
Кристијан Ландов