Пратеникот во Собранието на Република Северна Македонија Исмаил Јахоски, испрати соопштение до медиумите во кое појаснува дека по грешка е ставен во групата независни пратеници на веб-страницата на Собранието. Тој негира дека ја напуштил парламентарната група на ДУИ и вели дека останува со политичката агенда на партијата.
„Дозволете да ве информирам дека јас, Исмаил Јахоски, избран како пратеник во Собранието на Република Северна Македонија од листата на ДУИ, во ниту еден момент не сум напуштил парламентарната група, ниту, пак суштински се оддалечил од изборната политичка агенда на ДУИ.
Фактот што на веб-страницата на Собранието сум ставен како независен пратеник претставува техничка грешка, која соодветно ќе биде исправена во најскора прилика,“ вели Јахоски.