43-годишен жител на скопското село Шишево доби кривична пријава откако сакал со измама да продаде џип „БМВ X5“, соопшти полицијата.
„ОВР Дебар поднесе кривична пријава против Џ.С.(43) од скопското село Шишево поради постоење основи на сомнение за сторено кривично дело „измама“. Тој, на 09.01.2021 го довел во заблуда Д.М. од Дебар, од кого претходно изнајмил возило „бмв х5“. По истекување на договорот за изнајмување, пријавениот не му го вратил возилото на оштетениот со образложение дека му го одзеле лица на кои наводно им должел пари,“ се вели во полициското соопштение.
„По преземени мерки, полициските службеници констатирале дека пријавениот направил фалсификуван купопродажен договор во кој прикажал дека оштетениот му го продал возилото. Потоа, го одјавил и го продал на лице од Куманово,“ велат од МВР.