Веднаш по објавување на одлуката за аболиција за сите политичари и за прекин на сите истраги и процеси против политичари, Ѓорге Иванов ги објави и првите одлуки за помилување без спроведување на постапка. Меѓу помилуваните се Никола Груевски, Сашо Мијалков, Гордана Јанкулоска, Миле Јанакиески, Мартин Протуѓер, Дејан Митровски-Урко, Зоран Заев, Зоран Верушевски, Бранко Црвенковски, Божидар Јанковски.
Одлуката е објавена во „Службен весник“, со вчерашен датум.
Меѓу помилуваните од Иванов, се најдоа и специјалните обвинители Фатиме Фетаи, Лиле Стефанова и Гаврил Бубевски, нивните имиња се објавени во „Службен весник“ во својство на ослободени од гонење без спроведување на постапка, бидејќи беа гонети поради сомнежи дека вршеле притисок врз сведоци.
Иако вчера некои медиуми тврдеа дека помилуван е и Љубе Бошкоски, тој не е на листата потпишана од Ѓорѓе Иванов.