Институтот „Павел Шатев“ повторно доживеа дебакл во наводното сондирање на јавното мислење каде редовно победник со голема разлика е Никола Груевски и ја ужива поддршката од народот.
Последната од анкетите со кои бомбардираше „Павел Шатев“ беше објавена на 4 октомври, а правена на примерок од 1225 испитаници. И како и секогаш ВМРО-ДПМНЕ требаше да победи со 28,7 отсто поддршка од народот, а СДСМ да изгуби со само 17 отсто поддршка.
Институтот за локалните избори предвидуваше 28 отсто поддршка за Никола Груевски, кој сепак на изборите доби едно големо „не“ дури и од сопствените гласачи. Дали е време да се стави крај на манипулативните анкети со цел психички да се влијае врз гласачите? Институтот „Павел Шатев“ по минатогодишните, а посебно по последните избори и дебаклот во предвидувањето треба да се откаже од натамошното анкетирање, посебно што одамна е познато дека се работи за партиска испостава на ВМРО-ДПМНЕ.
