Македонскиот електро-инженер Ванчо Чамушев кој веќе подолго време работи во странство, понудил проект решение до Град Скопје за кружна гаража, кое било одбиено. Оваа негова идеја веднаш била прифатена во Минхен, каде што се очекува и да биде ставена во функција до септември годинава.
Кружната гаража на Чамушев чини 700.000 евра, зафаќа површина од 180 квадратни метри и собира 96 паркирани автомобили.
Тоа е идеално решение кое што заштедува простор и пари со оглед дека е приспособена да работи сама и да користи енергија од сонче и ветер.
За споредба, катната гаража која се гради до плоштадот во Скопје собира 280 паркирани возила, зафаќа простор од 8.220 квадратни метри, а чини 5,8 милиони евра.