Индустриските производи со повисоки цени во март

Од:

Продажните цени на производителите на индустриски производи, вкупно, во март годинава во однос на претходниот месец се зголемени за 0.5 проценти, а за 4.4 проценти споредено со март минатата година.

Најновите податоци на Државниот завод за статистика покажуваат дека продажните цени на производителите на индустриски производи, вкупно (на домашниот и на странскиот пазар), во март годинава во однос на претходниот месец се зголемени во секторите Преработувачка индустрија за 0.7 проценти и во Снабдување со вода; отстранување вода, управување со отпад и дејности за санација на околината за 0.9 проценти, а намалени се во Рударство и вадење камен за 1.5 проценти и во Снабдување со електрична енергија, гас, пареа и климатизација за 0.5 проценти.

Во март 2026 година, во однос на истиот месец од претходната година, продажните цени на производителите на индустриски производи, вкупно, се зголемени во секторите Рударство и вадење камен за 15.7 проценти, во Преработувачка индустрија за 3.6 проценти, во Снабдување со електрична енергија, гас, пареа и климатизација за 10.7 проценти и во секторот Снабдување со вода; отстранување вода, управување со отпад и дејности за санација на околината за 6.4 проценти.

Би можело да ве интересира

Бројот на работниците во индустријата намален за 2,9 проценти во септември

Намален бројот на работниците во индустријата

Просечната нето-плата во јули 48.499 денари

СДСМ: Мицкоски може да ја менува статистиката, но долгот расте

Инфлација во јули мерена преку индексот на трошоците на живот изнесува 2.3 %

Мажите во Македонија во просек умираат на 72.2 години, а жените на 76.6