Тензија, туркање, скршени стакла, мавање со пластични шишиња. Инцидент пред Собранието на Град Скопје кога група граѓани и претставници на опозициските партии се обидоа да влезат во салата, каде што власта сакаше да ги преимнува улиците и мостовите во главниот град. „Бугари, Бугари“, „Сакаме да влеземе, бидејќи Скопје е и наш град“, со овие извици незадоволните граѓани се обидоа да влезат во салата за седници.
Ова според опозицијата е народен отпор против насилничкото менување на историјата на Македонија од страна на власта. Според ВМРО-ДПМНЕ, раководството на СДСМ со ова покажа дека не верува во капацитетот на својата пратеничка група.
„ВМРО-ДПМНЕ на подмолен начин сака да го избрише ликот и делото на оние кои го дале животот за Македонија“, изјави Софија Куновска, советник во Град Скопје, СДСМ.
Таа вели дека ова е криминал и историски геноцид.
Александар Бичиклиски, советник од ВМРО-ДПМНЕ, ова го оцени како крајно вандалски чин, што ја покажува ниската политичка култура на СДСМ.
Советниците на СДСМ беа надгласани од мнозинството и не се усвои нивниот предлог точката за преименување на улиците да се симне од дневен ред.
ВМРО-ДПМНЕ без опозиција донесе одлука за преименување на скопските улици.
<iframe width=”420″ height=”315″ src=”http://www.youtube.com/embed/Hd5MZ9CiMh4?rel=0″ frameborder=”0″ allowfullscreen></iframe>