Има 20 потписи за свикување итна седница, денес може да се изгласаат измени за возачките и личните карти

Од:

Координаторот на пратеничката група на ВМРО-ДПМНЕ, Никола Мицевски истакна дека со коелгите пратеници подготвиле измена на две законски решенија, Законот за патни исправи и Законот за возачките дозволи односно за безбедност во сообраќајот и ги поднеле до архивата во Собранието.

„Итна е постапката, гледате и Вие дека јавноста е сензибилна по ова прашање и ние денес како пратеничка група на ВМРО-ДПМНЕ ги подготвивме законите и ги поднесовме до архивата на Собранието.

Дополнително со тоа поднесовме и барање за свикување на итна седница со потписи од 20 пратеници. Претседателот на Собранието може да ја свика седницата во текот на денешниот ден. Инаку по однос на самите законски решенија, се работи за измена на одредбите од двата Закони кои што предвидуваат завршување на роковите по однос на ова законско решение за патните исправи и за возачките дозволи. Со оваа измена ќе се продолжи одредбата за да можат да важат и во наредниот период.

Во текот на утрото, имав разговор и со претседателот на Владата, премиерот, кој што го очекуваме да дојде и заедно со претседателот на Собранието, како пратенички групи да изнајдеме решение, меѓутоа за да се случи тоа, потребно е барање за свикување на итна седница и ние тоа го направивме. Со 20 потписи од пратеници можеме материјалите кои што се по однос на оваа седница да бидат доставени до пратениците согласно роковите побрзо од 10 дена или пак на самата седница. Затоа очекувам во текот на денешниот ден, да се организираме и да ја свикаме оваа седница како би ги избегнале сите проблеми со кои што се соочуваат граѓаните во нашата држава“, вели Мицевски.

Би можело да ве интересира

Мицевски повика итно да се донесат измените на Законот за патни исправи

Тошковски: Стариот пасош важи во Германија и Швајцарија, а не важи кај нас, срамота е

Орце Костов

МВР ќе предложи да не се плаќаат ниту административни такси за замена на возачките и соoбраќајните дозволи

Се откажуваат патувањата за 8 март: На граѓаните им доцнат пасошите, агенциите веќе ги платиле хотелите

Орце Костов

Владата бара решение за оние кои платиле за нови возачки и сообраќајни

А1он

Џафери: Пасошите не се регулираат по принципот на возачките дозволи, граѓаните да не подлегнуваат на манипулации

А1он