Водејќи позитивна кампања сметам дека изградивме позитивен амбиент и предизборна клима различна од досегашните, атмосфера во која зборуваме со граѓаните за потреби и проекти, за почит и еднаквост. Затоа повикувам, позитивниот амбиент пред изборите да продолжи и за време на гласањето и по него. Мирно, фер и демократски да ја избереме новата локална власт, изјави денеска кандидатот за градоначалник од редовите на СДСМ и коалицијата „Живот во Македонија“, Николчо Илијев.
Ние ја носиме историската улога, истакна тој, за да придонесеме за помирување на граѓаните и за намалување на поларизацијата на политичките партии.
– Да придонесеме за подобро севкупно живеење во нашата општина. Верувам во вашиот правилен избор. Верувам дека сите сте за повеќе пари кај граѓаните, отворена и услужна општина, ефикасно управување со средствата и услугите. Сите сте за повисоки плати, квалитетно образование, чиста и здрава животна средина, за поддршка на младите, на спортот и културата, за подобар живот на земјоделците и на пензионерите, додаде Илијев.