Хуманитарен концерт и изложби за Сара

Од:

Под мотото „Струга од срце за Сара“, в среда во „Центарот за култура Браќа Миладиновци“ ќе се одржи хуманитарен концерт за Сара.

Концертот го организираат „Плеј“ радио и Балетското студио „БАX“, а ќе настапат: „Студио за танц БАX“, „Балкан џем“, КУД „Илинден“, Анита Мицова, Каролина и Оли Китан.

Пред почетокот на музичкиот дел во фоајето на Центарот за култура ќе биде претставена изложба со фотографии на ликовниот уметник и професионален фотограф Кристина Затуроска, како и со уникатни рачни изработки на Билјана Тодороска и Farina’s Handmade.

Влезот е 100 денари. Собраните средства ќе бидат наменети за 15-годишната Сара од Охрид, на која треба да и се пресади коскена срцевина во Германија. Операцијата чини 200.000 евра.

Акции за собирање средства за Сара се реализираат изминативе денови во организација на Црвениот крст Струга на повеќе локации низ градот. Мало девојче вчера пред црквата „Свети Ѓорѓи“ продаваше топол чај, а собраните пари ќе ги донира за Сара.

Би можело да ве интересира

Хуманитарниот велеслалом Маврово 2024 годинава за поддршка на лекувањето на младиот Леонид Индов

„Цепај сине“, купи книга и биди хуман: Ѕоф и „Арс Ламина“ во нова хуманитарна акција

Ацт Македонија со повик за приклучување во хуманитарната акција

Одржан вториот Ласер ран, донирани средства за лекување на малиот Леонид

Семејството на Кико донираше половина милион денари за респиратор малиот Стефан

Катерина Ѓуровски

Во сабота во спортската сала „Кале“ забава и кошарка во хуманитарни цели

Горан Наумовски