Хонорарците, незадоволни од решенијата на власта за уплатата на придонеси за хонорари, се организираат, наредниот петок, 6 февруари 11.00 часот да одат во Министерството за труд и социјална политика каде ќе побараат одговори за сите нејаснотиите.
Еве што пишуваат:
Ајде хонорарци да одиме во МТСП и да си ги побараме одговорите што ни ги должат!
Цел јануари многумина од нас не добија хонорар, АЈДЕ ДА ПРАШАМЕ!
На некои им прекина авторскиот договор АЈДЕ ДА ПРАШАМЕ!
Не не прашуваа кога решаваа во лето да сменат 5 закони, ајде сега НИЕ да ги ПРАШАМЕ!
Петок, 6 февруари 11.00часот. Министерство за труд и социјална политика.
Имате формулари.
Имаме ПРАВО на одговори!
ДЕТАЛИ ЗА НАСТАНОТ
Секој хонорарец поднесува барање за информација од јавен карактер до министерството по што им се придружува на останатите кои стојат пред министерството. Поднесувањето барања се планира да трае два часа. Урнекот на барањето за информации од јавен карактер наскоро ќе биде закачен.
Инаку, измените на петте закони со кои секој хонорар повисок од минималната плата ќе се плаќаат придонеси стапија на сила на 1 јануари годинава.