На излез од граничниот премин Хоргош, царинските службеници спречија обид за шверц на наркотици, кои биле скриени во навидум обична хефталка, соопшти Царинската управа на Србија.
Дрогата била откриена во патничко комбе со странски регистарски таблички, во кое седум патници патувале од Северна Македонија кон Германија.
Патниците им рекле на цариниците дека немаат што да пријават бидејќи со себе носат само лични предмети, но при детален преглед цариниците во една од торбите пронашле користена хефталка во која пронашле пакување прашкаста материја слична на хероин.
При понатамошен преглед, во резервната кошула на еден од двајцата возачи било пронајдено шише наполнето со густа течност, за кое постои сомневање дека е течен метадон.