Падна хеликоптер на МВР при полетување на скопскиот аеродром, при што едно лице е повредено. Според првичните информации, во хеликоптерот имало пет лица. Откако полицискиот воздухолпов наполнил гориво, од засега непознати причини паднал при полетувањето. Како можна причина за несреќата се наведува и силниот ветер.
„Денес околу 11.30 часот пријавено е дека на стара платформа до Полициската станица на Г.П. „Меѓународен Аеродром Скопје“ од кога наполнил гориво хелихоптер на МВР, „M17“ од засега непознати причини при полетување паднал. Во него биле пет лица. Според првичните информации едно лице е со лесни телесни повреди“, велат од МВР за „А1он“.
На лице место увид вршат припадници на полицијата.