Хант: Спроведување на Преспанскиот договор за стабилност и просперитет на Македонија и регионот

Од:

На вчерашниот референдум во Македонија гласачите ја искажаа својата желба за разрешување на долгогодишниот спор со нивниот сосед Грција за името на земјата и преземање позитивен чекор кон евро-атлантска интеграција. Доколку се спроведе, Преспанскиот договор ќе ја подобри стабилноста во Македонија и поширокиот регион, изјави британскиот секретар за надворешни работи Џереми Хант.

– И покрај тоа што излезноста беше под очекувањата, овој референдум беше позитивен чекор за Македонија. Гласачите во Македонија јасно ја искажаа нивната желба да бидат дел од евро-атлантската заедница и го повикувам премиерот Заев и Владата да работат со Парламентот за создавање на консензус за иднината на земјата, стои во пишаната изјава на Хант.

Тој посочува оти верува дека спроведувањето на Преспанскиот договор ќе биде добро за Македонија и добро за регионот.

– Со тоа се нуди можност за поголема безбедност и просперитет, како и подобри можности за младите од Македонија. Исто така и овозможува на Македонија да послужи како пример за регионот за тоа што може да се постигне со храброст, одлучност и визија за иднината. Горди сме што Обединетото Кралство е долгодишен пријател и партнер на Македонија. Ќе работиме на продолжување и зајакнување на нашето партнерство и во иднина. Особено го очекуваме денот кога ќе бидеме сојзуници во НАТО – вратата е се уште отворена, се посочува во изјваата на шефот на бротанската дипломатија Џереми Хант

Би можело да ве интересира

Ирска на референдумот одлучува за уставната идеја за семејството и улогата на жената во домот

(ВИДЕО) Рустеми: Не ме викнале на распит за надзорот на „Бехтел и Енка“, стојам на располагање на обвинителството

Пет години од референдумот за Договорот со Грција

(ВИДЕО) Рокот за договор помеѓу Владата и ВМРО-ДПМНЕ е до првото гласање за отворање на Уставот

Орце Костов

Ковачевски: „Бехтел и Енка“ не сакаат договорот да биде достапен на пошироката јавност

Орце Костов

Словачкиот референдум не успеа поради слабата излезност