Хан на „Твитер“: Крајно време е земјите-членки на ЕУ да го испорачаат своето

Од:

Северна Македонија и Албанија испорачаа, сега е крајно време земјите-членки да го испорачаат своето, објави еврокомесарот за проширување Јоханес Хан на неговиот налог на „Твитер“.

dobivaj vesti na viber

Хан всушност ова го нагласи како одговор на претходниот твит на лидерите на ЕУ, во кој тие даваат поддршка за почеток на преговорите со двете земји.

„Северна Македонија и Албанија испорачаа – сега е крајно време земјите-членки да го испорачаат своето! Благодарност до лидерите на ЕУ за нивниот цврст став за почеток на преговори со двете земји во октомври“, им ретвитна Хан на европските лидери.

На социјалната мрежа, Хан потсети на пораката на лидерите на ЕУ упатена до земјите-членки, кои треба да ја донесат конечната одлука на 17 и 18 октомври.

Во писмо испратено на 3. октомври до земјите членки на ЕУ, сегашниот претседател на Европскиот совет Доналд Туск, на Европската комисија Жан-Клод Јункер, новоименуваната претседателка на Европската комисија, Урсула фон дер Лајен и претседателот на Европскиот парламент Давид Сасоли, бараат отворање на пристапните преговори за членство во ЕУ со Северна Македонија и со Албанија.

Тие потсетуваат дека земјите членки уште во јуни се заложија да се навратат на прашањето и да донесат суштинска одлука во октомври.

Европските лидери на „Твитер“ објавија дека веруваат оти е време за отворање на преговороите со двете земји.

Би можело да ве интересира

Макрон по средбата со Маск: Твитер ќе се бори против екстремистичките содржини

ЕУ му се закани на Маск: Следи ги правилата или ќе го забраниме Твитер

А1он

ЕУ го предупреди Маск дека Твитер мора да ги почитува новите правила

Твитер ги укина мерките за борба против дезинформациите за Ковид-19

Катерина Павлова-Николовска

Твитер веќе нема да се бори против дезинформациите околу Ковид-19

„Епл” сака да го отстрани „Твитер“ од продавницата „Ап стор”, Маск збесна

А1он