Хан: ЕК за Северна Македонија ќе предложи влегување во подготвителната фаза на преговори

Од:

Европската комисија кон крајот на мај ќе го претстави годишниот извештај за напредокот на земјите во процесот на проширувањето. Комисијата за Северна Македонија и Албанија ќе предложи влегување во подготвителната фаза на преговорите, изјави еврокомесарот за проширување и соседска политика Јоханес Хан.

Тој ги повика земјите-членки на ЕУ без страв да го поддржат продолжувањето на процесот на проширување, кој, според него, всушност преставува „заокружување на Унијата”.

-Убеден сум дека процесите на институционална реформа на ЕУ и проширувањето ожат да се одвиваат паралелно, бидејќи и двата процеса бараат години за да се реализираат. Губење на време е ако се чека прво на институционалната реформа на ЕУ, бидејќи и онака не се работи за проширување, туку за заокружување на Унијата, констатираше Хан.

За време на дебатата за „Иднината политиката на ЕУ за проширување” во Комитетот за надворешна политика на Европскиот парламент, Хан кажа дека ЕУ нема да ги прими земјите со отворени билатерални прашања.

Истакна дека во основата и во фокусот на политиката на проширувањето на ЕУ е напредокот во економијата и владеењето на правото.

Хан потсети дека преговорите со најмладиот член ЕУ- Хрватска траеле осум години, a се очекува преговорите со идните земји-членки да траат подолго.

Би можело да ве интересира

Се ожени еврокомесарот Јоханес Хан

Хан најавува буџет на ЕУ со посилна моќ

А1он

Хан на „Твитер“: Крајно време е земјите-членки на ЕУ да го испорачаат своето

А1он

Велосипедист го нападна Јоханес Хан и му се закани со шлаканица

Ана Ололовска

Хан: Популистите никогаш ништо не направиле

Црногорската опозиција на средба со Хан побара формирање техничка влада

Сандра Бошковска