Двајцата обвинети, Горан Грујевски и Никола Бошковски за кои Врховниот суд го потврди притворот, се уште се во бегство.
Полицијата ги бара уште од синоќа, откако не ги пронајде во нивните домови нешто по 21 часот кога ги добила налозите за приведување.
И двајцата немаат мобилни телефони во нив, за да не може да бидат лоцирани од полицијата, што укажува на тоа дека се во бегство и немаат намера да одат во притвор.
Ваквото сценарио беше очекувано и за нив двајцата, посебно по „службениот пат“ на Сеад Кочан.
Двајцата се обвинети во случаите „Таргет“ и „Тврдина“ за злоупотреба на системите за прислушкување на УБК и на уништувањето на опремата. Бошковски е вработен во Управата, а Грујевски беше началник на петтата управа во УБК.