По одложувањето на судењето за случајот „Насилство во Центар, поранешниот претседател на ВМРО-ДПМНЕ, Никола Груевски, за медиумите изјави дека судењата против него претставуваат непринципиелна хајка и политичка одмазда.
-Ништо ново во однос на овие предмети кои Власта и СЈО ги туркаат. Ова е непринципелна хајка и политичка одмазда. Се измислија обвиненија без докази. Потоа нелегално стекнатите материјали станаа докази. Последниот чин беше да ги сменат и судиите. За разлика од овие судења видовте што се случува со судењето на Заев каде судијката му се извинува. Заев ми се одмаздува за 11 години порази, изјави Груевски.
Главната расправа за „Насилство во Центар“ треба да почне од почеток бидејќи судијката Татјана Михајлова, која го судеше Груевски и другите обвинети, е прераспоредена во друг оддел на судот.
Виктор Јованов