Во кривичниот суд се репродуцираат 26 „бомби“ во предметот „ТНТ“, од кои 16 не се јавно објавени. Најголем дел од „бомбите“ се прислушувани разговори меѓу Никола Груевски и Миле Јанакиески и нивната интензивна комуникација за уривање на објектот.
Груевски бил заинтересиран за секој детаљ од постапката, па го прашува Јанакиески дали може Цаноски да тужи и да добие.
На Јанакиески му вели:
„Ќе го јадат Коце и Тони”.
Во еден од разговорите од 2 август, Груевски му вели на Јанакиески:
„Нема ли некоја фирма да се најде? Имало некоја топка. Сум ја видел на Запад и на телевизија и кога ќе се заниша со 5-6 удари половина зграда паѓа“.
Јанакиески му потврдува дека чул и тој за таква бетонска топка која со 5 удари ја урива зградата.
„Да видиме по градежните фирми, нема ли некоја подобра механизација?” го прашува Груевски ексминистерот за транапорт и врски.
Васко Маглешов