Лидерот на ВМРО-ДПМНЕ, Никола Груевски вечерва од Струга најави дека неговата партија планира да инвестира во образованието и дека посакува најмалку еден универзитет од Македонија да влезе во првите 200 во светот спроед Шангајската листа.
Груевски рече дека додека тие биле на власт секоја недела реализирале по некој крупен проект, а сега биле запрени голем дел од проектите и дека СДСМ повеќе се занимавале со нив, отколку со водење на државата.
Тој рече дека додека од СДСМ се занимавале со хајки против нив, ВМРО-ДПМНЕ подготвиле нивна визија за наредните 10 години.
Груевски со визијата наречена „Нова ера“ предвидува отворање на нови 150 илјади работни места и намалување на невработеноста под 10 отсто, намалвање на сиромаштијата на три четвртини и задржување на Македонија како држава со најниски даноци во светот.
