Изминативе 4 и пол месеци оваа власт направи големи штети, нарушени национални интереси, шетен договор со Бугарија, најава за смена на името и идентитетот, колапс на економијата, пензионерите ги оставија без зголемување, се намали просечната плата, рече лидерот на ВМРО-ДПМНЕ, Никола Груевски на денешниот митинг во Кичево.
Тој рече дека се што СДСМ ветувале и говореле прават обратно, а тоа што ВМРО-ДПМНЕ го ветувале го исполнувале.
Груевски рече дека само обединети, сложни и со меѓусебно почитување како што Кичево опстојува со векови, ќе можеме да одиме напред.
– Оваа земја му припаѓа на народот, како што овој град му припаѓа на неговите жители. Ти си тој, секој од вас, што ќе донесе одлука и кој го има последниот збор за вашиотград, за нашата Македонија, рече Груевски.
Лидерот на ВМРО-ДПМНЕ најави урбанизација на сите подрачја на општината, инвестиции во подготовка на инфраструктурните проекти, како улици, пешачки патеки, водоводи, канализации, изградба и реконструкција на училишта и градинки и други проекти за иднината на општина Кичево, рече Груевски.