Груевски: Народот ќе гласа против СДСМ, а тоа ќе биде почеток на одбројувањето за предвремени парламентарни избори

Од:

Народот ќе гласа против СДСМ и помрачувањето. Тоа ќе биде почеток на завршување на помрачувањето и ќе биде почеток на одбројувањето на времето за предвремени парламентарни избори во Република Македонија со коишто ќе започне новата ера, новото утро за Македонија, рече лидерот на ВМРО-ДПМНЕ Никола Груевски вечерва на митингот во општина Ѓорче Петров.

Притоа објасни што е помрачувањето кое, како што рече, во последните четири месеци се гледа во многу форми – измами, штетни договори, зборување за реформи кои ги нема, правење чекори и политики спротивни на волјата на народот, секојдневна демонстрација на незаконско работење.

– Незаконско работење. Секојдневна демонстрација на сила и насилие. Кривични пријави за над 10 кандидати за градоначалници. Пукања и ранети кандидати за градоначалници. Претепување на кандидати со шипки и со боксови, рече Груевски и додаде дека нападите и предизборните инциденти покажуваат оти ВМРО-ДПМНЕ е вистинската гаранција за демократијата и дека луѓето кои живеат во Македонија, како што рече, не се обврзани да го толерираат помрачувањето.

– Нема да дозволиме да ја помрачат светлата иднина на нашата нација и на оваа држава. Покрај помрачувањето, покрај сите пречки, ние ќе продолжиме да работиме за создавање светла иднина за Република Македонија. Ние како целина, граѓаните на оваа држава, ќе работиме заедно во креирање на нова ера и на овие напади и пречки ќе им дојде крајот, нашата цел е побогата и посреќна Македонија, рече Груевски.

Вети дека во следната декада невработеноста ќе се намали на под 10 проценти, дека ќе бидат отворени најмалку 150.000 нови работни места, како и инвестиции во екологијата и енергетиката.

Би можело да ве интересира

Лефков ги демантира пишувањата на медиуми во Бугарија дека повеќе членови од неговото семејство поседуваат бугарски пасоши

Горан Наумовски

ВМРО-ДПМНЕ да каже дали преговараат за потпишување меморандум со компанија која е фатена во корупција и поткуп, велат од СДСМ

ВМРО-ДПМНЕ: СДС со својата политика на сервилност и служба на бугарската агенда ја доведе државата до негирање од страна на Бугарија

Левица: Македонија на колена пред Софија, ДПМНЕ ја продава историјата

ВМРО-ДПМНЕ: Од држава која беше на раб на банкрот, сега сме држава која е во топ пет економии во Европа

Гаши: Локалните избори ќе се распишат во првата половина од август