Груби: Нема никаква кантонизација, ниту федерализација

Од:

Пратеникот од редовите на Демократската Унија за Интеграција, Артан Груби преку Фејсбук статус повика политичките партии и медиумите, меѓупартиските судири да не ги прават етнички.

„Заедничката изјава на албанските политички партии во Македонија е изјава напишана во Скопје, од страна на албанските партии во Македонија и е изјава за една европска Македонија. Еднаквоста не наштетува никому, еднаквоста и внатрешната интеграција се во функција на евро-атлантската интеграција.

Одделните точки од заедничката изјава на албанските политички партии извираат од нашите изборните програми, и на ниту еден начин не задираат врз унитарниот карактер на државата, не предвидуваат на никаков начин федерализација, ниту кантонизација ниту пак поделба на земјата. Прифаќањето на оваа Изјава од страна на сите граѓани е прифаќање на европските вредности.

Затоа, ги повикувам македонските медиуми и политички партии, нивните меѓупартиски судири да не ги прават на етничка основа а уште помалку користејќи одвоени делови од нашите изјави, ставајќи ги во хистеричен контекст на нивните концептуални судири бидејќи, прво, не е во полза на вистината, и второ е една опасна игра“ напиша Груби на Фејсбук.

Би можело да ве интересира

(ВИДЕО) Интервју со Ванковска: Да излеземе од НАТО, а договорите со Грција и Бугарија да се поништат, ако мислиме дека не може, тогаш сите во Вардар

Александар Тодески

ДУИ: ВМРО и СДСМ се против нашата идеја за избор на претседател во Собрание

Предраг Петровиќ

Ахмети: Изборот на претседател во Собрание е за поголема консензуалност и помалку трошење буџетски средства

Горан Наумовски

Ахмети: ДУИ по изборите ќе соработува со партиите кои ќе ја прифатат нашата платформа

Горан Наумовски

Коалиција ВРЕДИ: ДУИ за еден мандат потроши 46 милиони евра во апарати за коцкање

Ахмети го најави Бујар Османи за претседател: ДУИ бара и потпретседател на државата

Орце Костов