Пратеникот Артан Груби не открива кој е прифатлив кандидат за претседател на државата за ДУИ. Според него, консензуален кандидат е најдоброто решение.
„Имаше разговори на линија Ахмети-Заев, но деталите допрва ќе се договараат. Не е важно дали ќе биде маж или жена, ниту политичка или етничка припадност. Важно е да биде прифатлив за сите“, рече Груби.
На прашањето дали Заев ќе бара поддршка и од сите партии кои се во опозиција, Груби рече дека ако кандидатот е прифатлив не е проблем да биде поддржан и од албанската опозиција.
Тој не рече дали прифатливо решение за ДУИ се Радмила Шекеринска и Оливер Спасовски и дека односите СДСМ-ДУИ не се нарушени.
Габриела Димковиќ-Мишшевска