Првиот вицепремиер и министер за политички систем и односи меѓу заедниците, Артан Груби, на денешната средба со Доника Грвала – Шварц, заменик-премиерката и министерка за надворешни работи и дијаспора на Косово, договорил заедничка седница на владите на двете земји, која ќе се одржи во септември, соопшти неговиот кабинет.
Груби и Грвала констатирале дека билатералните односи помеѓу двете земји се одлични и дека оваа добра соработка ќе продолжи и во иднина, со
реализација на заеднички проекти во различни области кои имаат за цел продлабочување на економската соработка.
Меѓу другото, тие дискутирале и за актуелната состојба во регионот, регионалната соработка, како и процесот на интеграција на државите од Западен Балкан во Европската Унија.
“Алтернатива на Република Северна Македонија, но и на регионот, останува Европската Унија. Ние како земја направивме многу храбри чекори од
политички аспект, ги спроведуваме реформите и очекуваме Европската Унија да ги цени тие достигнувања, и во меѓувреме работиме на подигнување на
животниот стандард за граѓаните“, посочил Груби на средбата.
