Грција околу бугарската блокада за Македонија: Никој не може да спречи земја-членка да покренува свои прашања

Од:

Ќе продолжиме да ја поддржуваме европската перспектива на регионот, но никој не може да спречи земја членка на Унијата да покренува свои прашања во пристапниот процес, рече портпаролот на грчката Влада Стелиос Пецас на денешниот редовен брифинг со новинарите, одговарајќи на прашањет за тоа каков е ставот на Грција за бугарските позиции во однос на патот на Македонија кон ЕУ.

Πецас, сепак изрази надеж дека на крајот ќе се отвори вратата за европска перспектива за земјите од регионот.

– Ние традиционално сме за зајакнување на врските на земјите од целиот регион и секако ја имаме поддржано европската перспектива на земјите од Западен Балкан. И ќе продолжиме да го правиме тоа. Оттука, како што знаете и ние во минатото кажавме дека ќе одиме на отворање и затворање на преговарачките поглавја согласно и со нашите интереси. Ќе гледаме, во интегративниот процес да гарантираме дека се задоволени грчките интереси. Во овие рамки, никој не може да спречи никоја друга држава членка да покренува свои прашања во процесот. Се надеваме дека на крајот од патот навистина ќе се отвори вратата за европска перспектива и на овие земји, рече Пецас.

Би можело да ве интересира

Мртво девојче е пронајдено на плажа во близина на Атина

Силна експлозија пред станбена зграда во Солун, најмалку двајца се повредени

(ВИДЕО) Несреќа во Грција: Огромен кран падна врз куќа, неколку лица се повредени

Српските ватерполисти поразени од Грција во натпреварот за бронзениот медал на Светското првенство

Грција: Голем шумски пожар близу Атина, евакуирани се неколку села

Горан Наумовски

80-годишен Македонец почина на плажа во Грција