Грција на 1 јули ќе ја отвори границата со Македонија, но само преминот Евзони

Од:

Копнените граници со Македонија и Албанија, Грција ќе ги отвори на 1 јули, а не на 15 јуни како што првично беше најавено, а ќе функционираат само неколку гранични премини, од кои само Евзони (Богородица), кон нашата земја.

-Во однос на копнените пристигнувања, од 1 јули имаме укинување на рестрикциите за Албанија и Северна Македонија, доколку сè оди добро, рече министерот за туризам на Грција Харис Теохарис на денешната прес-конференција во пресрет на туристичката сезона.

Иако во Грција од понеделник официјално започнува туристичката сезона, копнените граници со Северна Македонија, Албанија и Турција ќе останат затворени од 15 до 30 јуни годинава, со исклучок на апсолутно неопходните службени патувања, додека пак границата со Бугарија ќе биде отворена.

Во однос на авионското поврзување, за периодот од 15 до 30 јуни, ќе бидат дозволени летови и од Северна Македонија и Албанија, но само за основни и конкретни цели, а не и за туристи и само кон атинскиот аеродром. На аеродромот во Солун не се дозволени летови од нашата земја, како и од Албанија.

Сите туристи кои по 1 јули ќе пристигнат во Грција, ќе треба да имаат пополнет формулар (Passenger Load factor) со податоци за нивните контакти во Грција, ќе се спроведуваат тестови по случаен избор, а евентуалните позитивни случаи ќе бидат 14 дена карантин во хотел-карантин.

Би можело да ве интересира

ВИДЕО: Колони, гужви и чекање за излез преку Богородица и преку Табановце

Во Битола и околината е почувствуван земјотрес, епицентарот бил во Грција

На граничните премини Богородица и Дојран се чека околу 30 минути

Катерина Ѓуровски

И се слоши на излегување од водата – Србинка почина на плажа во Грција

А1он

Спасувачка акција во Грција – силен ветер однесе девет деца на отворено море

А1он

На Халкидики се удави македонска државјанка

Горан Наумовски