Граѓаните, преку страницата јавен долг можат да го кажат својот став за најновото задолжување на Владата на РМ.
Граѓанската петиција „Не за еврообврзницата”, ги повикува сите одговорни граѓани на Република Македонија, да се потпишат и да кажат зошто не ја признаваат еврообврзницата од 650 милиони евра.
„Јас, одговорна граѓанка/одговорен граѓанин на Република Македонија, изјавувам дека не ја признавам еврообврзницата од 650 милиони евра која Владата сака да ја издаде и дека не сакам да го враќам тој долг во годините кои следуваат!“, стои во петицијата.
Ова задолжување, со каматите достигнува една милијарда евра за враќање.