Градоначалникот на Куманово започнува со мерки за намалување на загаденоста

Од:

Кумановскиот градоначалник Максим Димитриевски денеска најави дека општинската комунална инспекција на терен ќе утврдува кој загадува и ќе презема соодветни мерки.

– Преку надлежните општински служби ќе ги лоцираме загадувачите на територијата на нашата општина и воедно сите оние кои во гаражите, механичарските работилници и други објекти користат веќе употребено моторно масло за согорување и затоплување на самите објекти кои се енормни загадувачи, изјави Димитриевски.

Тој рече дека загадувањето ќе се решава со ширење на гасификационата мрежа и дислокација на автобуската станица на периферијата во градот, со цел да се намали сообраќајот на автобуси во центарот на Куманово.

Димитриевски напомена дека Куманово е проектирано за 8.000 возила, а нивната бројка во моментов изнесува повеќе од 27.000, а како што кажа голем дел од нив не ги исполнуваат стандардите.

– Во Куманово гори и согорува кој што ќе стигне, а тоа е резултат на социо-еконосмката состојба на граѓаните, општината има план и стратегија за справување на загаденоста со воздухот, изјави Димитриевски.

Тој додаде дека загадувањето во градот произлегува од користење на возила кои не исполнуваат еколошки стандарди, што се должи на социо-економската состојба во градот.

Би можело да ве интересира

Општина Куманово доставила предлог за поставување на монтажна ковид болница

Ана Ололовска

Полицијата казнила 97 кумановски моторџии за два и пол месеци

А1он

Кумановски регион: најголем одѕив до 17 часот во општина Старо Нагоричане

А1он

Кумановските пожарникари вчера интервенирале на пет пожари, горела сува трева

Ана Ололовска

Во Куманово седум, a во Липково шест новозаболени лица од Ковид 19

А1он

Двајца новозаболени од Ковид 19 – по еден во Куманово и Липково

А1он