Град Скопје: Голиот популизам и лицемерието на советниците од ВМРО-ДПМНЕ се погубни политики за граѓаните

Од:

Град Скопје реагира на како што велат „лицемрните и популистички тврдења што ги изнесе советничка група на ВМРО-ДПМНЕ во нивното последно соопштение“.

„Популизмот што го демонстира ВМРО-ДПМНЕ е чиста хипокризија и доказ дека советничка група на ВМРО ДПМНЕ ниту го застапува јавниот интерес, ниту пак се грижи за граѓаните и нивните потреби.

Голиот популизам што го негуваат и им стана примарана и единствена политика е веќе добро познат за граѓаните и конечно самите советници треба да сфатат дека таквите политики што ги водат се погубни и не наоѓаат никакви симпатии, дури и кај нивното членство“, се наведува во реакцијата на Град Скопје.

„Сето ова што го бараат, немаше да биде лицемерно, ако истите тие не молчеа кога безобразно и немисосрдно се трошеа стотици милиони евра, пари на граѓаните, за градење Скопје 2014. Истите тие, зошто тогаш не бараа парите од скапите палми што се исушија, да не бидат пренаменети за граѓаните, зошто тогаш не коментираа кога врбите од 250 000 евра што се садеа во Вардар се непотребни и со парите да се направи конечно нешто корисно за главниот град? Зошто не мислеа поинаку кога се градеа галиите, кога се правеа барокните фасади или кога се бетонираше и унаказуваше центарот на Скопје? Зошто тогаш не мислеа на сиромаштијата на граѓаните кога нивните сопартијци јадеа и се гоштеваа со бизони на државна сметка? Дали тогаш тие пари беа оправдани за нив и не го заслужуваа интересот на граѓаните, туку само ја задоволуваа ненаситноста на нивниот партиски врв? Дали?

Дополнително лицемерно е јавно да се глуми и говори за грижата за граѓаните во овие услови на пандемија, а од друга страна истите да организираат партиски собири и состаноци каде не се носат маски и не се почитува протоколот за заштита од пандемијата.

Конечно, за разлика од владеењето на ВМРО ДПМНЕ со Град Скопје, овојпат, имаме градоначалник што се грижи и секогаш работи за потребите на своите сограѓани и без разлика колку тоа да ги боли и не им се допаѓа на советниците на ВМРО ДПМНЕ, Град Скопје ќе продолжи да го застапува и удоволува интересот на граѓаните, којшто е прв и единствен во работењето на градоначалникот Шилегов и администрацијата на Град Скопје“, се вели во соопштението на Град Скопје.

Би можело да ве интересира

Се расчистува патеката на кејот на Вардар кај новиот пешачки мост во Центар

Ана Ололовска

Град Скопје ќе даде помош од три милиони денари на настраданите од катастрофалните земјотреси во Хрватска

Ана Ололовска

(ВИДЕО) ВМРО-ДПМНЕ: Шилегов вработува 19-годишен личен шофер и советник за јавно осветлување

Катерина Павлова-Николовска

Наградени најдобриот скопски пожарникар, полицаец и крводарител за оваа година

Ана Ололовска

Почна расчистувањето на дивата депонија во Визбегово

ВИДЕО: Нов зелен сквер за граѓаните од Карпош 2

Ана Ололовска