По претрес на домот на жител на селото Долна Бањица, Гостиварско, полицијата вчера открила автоматска пушка и куршуми за кои немал дозвола.
Според СВР Тетово, откако биле спроведени оперативни активности и со судска наредба, полициски службеници ја пребарале куќата на Ш. А.Г (40). Во една од помошните простории нашле сокриена автоматска пушка кал. 7,62 и рамка за муниција со 14 куршуми.
Гостиварецот бил приведен и задржан во полициска станица и ќе биде изведен пред истражен судија. Најдените предмети се одземени, а гостиварецот ќе се соочи со соодветна пријава за недозволено поседување огнено оружје.