Вештачката акумулација Глобочичко Езеро денеска беше порибена со четири илјади единки здрав подмладок охридска пастрмка.
Порибувањето го изврши Здружението на рекреативни риболовци и екологисти „Црн Дрим“ од Лабуништа кое стопанисува со оваа рекреативна зона.
Според Државниот инспектор за рибарство и аквакултура Јован Бојчовски, акцијата е дел од годишната програма на здружението и се спроведува согласно Договорот за концесионирање.
– Се работи за здрав подмладок охридска пастрмка кој е на возраст од околу 10 месеци и со просечна тежина од по шест грама. Младите риби во текот на изминатиот период беа одгледувани и прихранувани во инталациите на Хидробиолошкиот институт во Охрид, вели Бојчовски.
Надзор врз денешното порибување извршија претставници на Државниот инспекторат за земјоделство како и на Хидробиолошкиот институт.