Глас за Македонија: Мега скандал за предизборен поткуп од страна на власта

Од:

Глас за Македонија реагира за најавените измените во Законот за јавна администрација, во кој власта најавува скратено работно време за целата администрација во петок, каде се бара кратење на работното време на 4 часа.

dobivaj vesti na viber

„Ова е сериозен предизборен поткуп, со кој им се дава до знаење на гласачите: “Ако на изборите гласате за нас, ќе работите помалку по изборите“.

Тоа е истата јавна администрација која не го понесува товарот на епидемијата. Напротив, него го понесуваат занаетчиите, угостителите, туристичките оператори, малите семејни фирми и целиот приватен сектор.

Тоа е администрацијата која од околу 135.000 вработени, токму оваа власт ја зголеми на фантастични, речиси 200.000 лица. Како што чувме и видовме, полно од нив седат дома и земаат плати. По кажување на вработените, само околу 10-15% вистински работат. Тоа граѓаните добро го чувствуваат со крајно лошите сервиси. Тоа е социјалната држава на СДС, каде популизмот царува, а оние кои работат пропаѓаат. Само во последната година и половина згаснаа над 12.000 приватни фирми.

Во развиените земји, секогаш работното време е многу чувствително прашање. За негово намалување или зголемување има дебати, економски анализи, преговори со синдикати, неретко и штрајкови, а кај нас Владата без да праша никого, решила на најлесен начин да собира гласачи.
Ја повикуваме ДКСК сериозно да се позанимава со овој предизборен поткуп. Не се поткуп само наместени тендери, туку ова е класичен пример за мега поткуп.

Поткуп, со кој се купуваат гласовите на илјадници вработени“, велат од Глас за Македонија.

Би можело да ве интересира

Администрацијата од утре ќе проветрува за да заштеди најмалку шест милиони евра

Орце Костов

Администрацијата ќе штеди струја од септември: Работа на дневна светлина и греење на максимални 20 степени

Орце Костов

Штрајкот на вработените во Управата за матични книги останува во мирување

Горан Наумовски

Глас за Македонија: Итен прекин на преговорите со Република Бугарија

Ана Ололовска

Глас за Македонија не ги признава резултатите од пописот

Ана Ололовска

Хоџа: Останува определбата за оптимизација на администрацијата

Ана Ололовска