Вчера во Општина Демир Капија, имаше теренска посета Орце Ѓорѓиевски, член на ИК на ВМРО-ДПМНЕ заедно со својот тим.
– Согласно контактите кои што ги имав со граѓаните од Општината Демир Капија, мислењата не се ништо различни од претходните општини кои што ги посетивме, а тоа е дека граѓаните се длабоко разочарани од лошите политики кои што ги води СДСМ и Владата на Зоран Заев, нагласи Ѓорѓиевски.
Ѓорѓиевски додаде дека се дискутираше за актуелната политичка состојба во нашата држава и на сите теми кои што ги засегаат граѓаните на Република Македонија, меѓутоа целокупната слика не е воопшто поразлична од другите градови во кои што изминатиов период биле.
– Ние како политичка партија го кажавме нашиот став. Ние ќе му порачаме на Зоран Заев дека нема да дозволиме таа катастрофа која што и ја прави на Република Македонија вечно да трае, потенцираше Ѓорѓиевски на вчерашната средба со граѓаните во Општина Демир Капија.