„Бензинот, нафтата, цените на прехранбените продукти, парното греење во поголемите градови и така натаму и тоа се случува поради погрешната политика на оваа Влада.Ние од секој град слушајќи ги маките на граѓаните ја праќаме истата порака, односно нашите предлози како да ги раши тие проблеми. Преку намалување на акцизата и разни други елементи има начин да се решат проблемите на граѓаните, порача од Кавадарци, потпретседателот на СДСМ, Гордан Георгиев.
Оваа Влада, рече, живее во стаклено ѕвоно, не знае со какви проблеми се соочуваат граѓаните и не сака да се лиши од своите добивки во буџетот. Помило им е, констатита Гепргиев, да прават споменици, реклами, помило им е да трошат пари на глупости, отколку да ги решат егзистенцијалните проблеми на нашите граѓани.
„За нова енергија на Кавадарци, кој што навистина живее во сиромаштија предлагаме млад човек, ентузијаст, кој што притоа има искуство како четиригодишен советник во Советот на општина Кавадарци и јас сум длабоко убеден дека тој со неговата енергија и знаење што ќе ги внесе, ќе биде идниот Градоначалник на општина Кавадарци.Јас во името на Социјалдемократскиот сојуз ги поканувам сите граѓани на Кавадарци и околината да дојдат во 20:30 часот да го промовираме нашиот кандидат за Градоначалник на Кавадарци, Бетиан Китев“, рече Георгиев.