„Овде не собра и не обедини ненародниот режим на Груевски“, рече пред битолчани, лидерот на ВМРО-НП, Љубчо Георгиевски.
Денес, рече има комплетен информативен мрак, националните канали се пропагандистичка машинерија на власта.
Канал 5, Сител и МТВ, рече Георгиевски, не третираат како политички дисиденти.
„Наша основна цел е борба за демократија.Македонскиот граѓанин на наредните избори треба референдумски да се изјасни дали сака тоталитарна или демократска држава. Нас не обединува и економската катастрофа на Македонија. Се што направија со проектот Скопје 2014-та е со кредити и задолжувања. Владата го поништи пописот , зошто ќе се покажеше демографската катастрофална реалност, која е резултат на ова владеење“, рече Георгиевски.
Крајно време е ,рече да направиме нешто и да ја смениме оваа црна слика во која живееме.
„Ние сме спремни битката за Македонија уште еднаш да ја добиеме. Локалните избори ќе бидат реферндум и знак дали треба и предвремени избори“, рече Георгиевски.