„Форумот на слободоумни патриоти ја поддржува акцијата на граѓаните и невладините организации од Битола под мотото „Стоп за продажбата на историјата и националното богатство”.
Форумот на слободоумни патриоти е против продажбата на Офицерскиот дом, еден од симболите на Битола. Сметаме дека Офицерскиот дом во Битола како историски и архитектонско автентичен објект треба да остане во сопственост на Република Македонија и истиот не смее да биде предмет на продажба или било каква концесија.
Офицерскиот дом треба и мора да е објект заштитен со Законот за заштита на културното наследство.
Го повикуваме Премиерот Димитриев и министрите во преодната Влада во интерес на заштита на Македонското културно наследство да ја поништат спорната одлука и да донесат одлука со која Офицерскиот дом ќе го прогласат за објект заштитен со Законот за заштита на културното наследство“, се вели во соопштението на Форумот на слободоумни патриоти.
