Студентите вечерва седнаа на улицата „Партизански одреди“ за да и покажат на полицијата што прават во библиотеката навечер.
Со ова го изразија револтот за упадот на специјалната полицијата во библиотеката „Браќа Миладиновци“ по протестите пред Владата, кога педесетина специјалци се нафрлија на нив.
-Вечерта влегоа 50 желки и почнаа да ги бркаат и туркаат студентите без никаква причина, притоа заканувајќи им се дека ќе добијат кривични пријави под никаква основа. Полицијата на нивните објаснувања дека учат им одговриле – кој учи во тоа време, инфорамираа тогаш од Студентскиот пленум.
Од МВР ја правдаа акцијата со образложение дека демонстранти се сокриле внатре во библиотеката, што беше причина да ги извадат надвор и да ги стројат во дворот сите студенти кои учеле испити и воопшто не биле на протести вечерта.
На студентите вечерва им се приклучи и братот на убиениот Мартин Нешковски.
