„Вчера се потврди дека во Република Македонија владее режим, дека ние живееме во полициско-партиско општество. Вчера се манифестираше диктатура и насилие, насилно беа бркани новинари, беа тепани и исфрлани пратеници од Собранието, беше тепан народ, само затоа што сакаа да ја одбранат демократијата во сопствената земја“, рече Васко Ковачевски, претседател СДСМ Битола.
Од денес во Македонија се крева отпор – отпор кон насилниците и диктатурата.
Токму затоа, ние од коалицијата „Сојуз за иднината“ од денес започнуваме со општа граѓанска непослушност, од денес започнуваме со борбата да ја вратиме нашата држава во нормала.
Сакам да изразам благодарност и честитки до сите граѓани кои и вчера во Скопје и денес овде во Битола, застанаа на браникот на демократијата.
