Паднал дел од мостот надвозник кој ги поврзува Ѓорче Петров и населбата Ге-Ге.
Доцна синоќа граѓани забележале дека е откорната оградата, но и дека недостасува страничен дел од мостот, па веднаш алармирале и го пријавиле случајот.
Центарот за управување со кризи (ЦУК), по стигнатата дојава, ги алармирал надлежните. Јавното претпријатие „Улица и патишта“ излегло на терен и привремено го обележале и обезбедиле местото, за да се отстрани опасноста по граѓаните.
За целосна санација ќе се почека, бидејќи според информациите ќе следела поопсежна акција и работа на службите надлежни за санирање на мостот – надвозник.