Во тетовското село Желино, кај месноста „Студена вода“ полицијата пронајде 85 стебла канабис сатива високи над два метри, соопшти тетовската полиција.
Стеблата се пронајдени во нива засеана со пченка во сопственост на 62 годишен жител на селото. На дел од јужната страна и во внатрешноста, пронајдени, искорнати и подигнати за вештачење се стеблата од канабис.
Кој и кога ги засадил стеблата допрва ќе се истражува, по што ќе биде поднесена соодветна пријава.
Акцијата била реализирана по однапред добиени сознанија дека на ова место има стебла од растението, информираа од СВР Тетово.