Грчкиот министер за надворешни работи, Никос Коѕијас одржа средба со премиерот на Република Македонија, Зоран Заев.
Претходно грчкиот министер за надворешни работи имаше тет-а-тет средба со шефот на македонската дипломатија, Никола Димитров.
Коѕијас се заблагодари на повикот за средба со Заев за што кажа дека е од големо значење за процесот на решавање на спорот со името.
Покрај средбите со Заев и Димитров, Никос Коѕијас денеска ќе се сретне и со претседателот на Собранието на РМ, Талат Џафери, претседателот на најголемата опозициска партија, Христијан Мицкоски и лидерот на ДУИ, Али Ахмети каде ќе ги информира до каде е процесот за решавање на спорот за името.
Овие средби претставуваат генерални подготовки за средбата која ќе се случи на 30 март во Виена каде министрите за надворешни работи на Грција и Македонија, Никос Коѕијас и Никола Димитров ќе се сретнат со медијаторот Метју Нимиц. На средбата детално ќе се разговара за проблемот со името и се очекува медијаторот Нимиц од двата нацрт предлози на Македонија и Грција да состави еден кој ќе биде прифатлив за двете земји.
Виктор Јованов