ФОТО: Изгаснат пожарот во студентскиот дом во Охрид

Од:

Нема повредени во пожарот кој утрово избувна во Студентскиот дом Никола Карев во Охрид. Освен материјална штета во помошните простории пожарот предизвикал и паника кај гостите кои во моментов престојувале во домот, а кои најголем дел се полицајци кои во Охрид се на служба летово.

„Пожарот избувна на левата страна од Домот, мислам дека тука е кујната. Се појави силен чад и оган. Веднаш беше повикана противпожарната единица од Охрид која пристигна за неколку минути по повикот. Интервенираа навремено и го совладаа огнот. Настана паника во собите, а гостите набрзина го напуштија објектот. Не знам како се случи да пламне дел од овој објект“, вели гостинка во домот.

Неофицијално причина за пожарот според едни е неисправна инсталација, а според други плинска боца.

Директорот на домот Марјан Ристески вели дека пожарот бил мал и бил брзо локализиран.

„Добро е во целата ситуација што пожарот беше многу брзо локализиран. Немаме проблеми во однос на загрозување на нечии човечки животи. Пожарот се случи во помошните простории каде се сместени пералната, пеглана и некој друг инвентар. Во моментот на пожарот во домот беа сместени околу 60 гости. Чадот се пренесе и во собите во домот и нормално е дека при една ваква случка да се создаде и паника“, вели директорот Ристески.

Сепак како што раскажуваат дел од гостите се создала вистинска паника, почнале да трчаат по ходниците и да се излегуваат надвор од домот, а чадот предизвикал најмногу страв кај гостите од првиот спрат од објектот.

Во моментот Студентскиот дом е без електрична енергија, исклучена е сета струја. Што понатаму, директорот не можеше да каже. Студентскиот дом во Охрид е изграден во педесетите години на минатиот век.

Мики Трајковски

 

Би можело да ве интересира

ВИДЕО: Снимен како подметнува пожар во сервис за возила во Пинтија, гореа автомобили

Катерина Ѓуровски

На депонија „Вардариште“ живеат над 200 луѓе, потпалувањата се дело на мал дел од тие што живеат таму, вели Тошковски

Ангелов: Пожарот во Трубарево е целосно изгаснат, целата опожарена површна е затрупана со песок и земја

Влен: Другар на Бујар Османи ја дал дозволата за складиштето за електронски отпад во Трубарево

48 часовен притвор за четворицата осомничени за пожарот во Трубарево

Горан Наумовски

ВИДЕО: Уште чади кај запалениот објект во Трубарево, повторно горело во Дрисла

Катерина Ѓуровски