Околу 90 деца без родители и лица со посебни потреби од двата дневни центри во Куманово, денеска добија пакетчиња од градоначалникот, Зоран Дамјановски. Тој прво организираше новогодишен прием во општината за деца без родители, нивните старатели и згрижувачките смејства, при што им ги додели пакетчињата.
-Ова е група на деца која што има потреба од поддршка. Локалната самоуправа секоја година доделува околу 88 пакетчиња на деца без родители и деца од двата центри со пречки во развојот. Оваа година за жал сме во тешка финанскиска состојба со буџетот, но ние од оваа традиција не се откажуваме-наведе Дамјановски.
Градоначалникот потоа ги посети децата со пречки во развојот, од Дневниот центар кој згрижува деца под 18 години, како и лицата со пречки во развојот над 18 години, од Дневниот центар „Порака наша“.
Дефектологот од Дневниот центар кој згрижува лица со пречки во развојот под 18 години, истакна дека за нив ова е важен момент.
-Презадоволни сме од соработка со општина и оваа година дојдоа им подарија на децата пакетчиња-наведе Сандра Крстевска Саревска.
Е. Г.